Surxondaryo viloyatida aholi va ijtimoiy soha ob’ektlarini elektr energiyasi bilan ta’minlash maqsadida Tojikistondan elektr energiyasi yetkazib berish yo‘lga qo‘yildi.
Xususan, 18 yanvar’ kunidan viloyatning Sho‘rchi, Oltinsoy, Qumqo‘rg‘on, Jarqo‘rg‘on tumanlarining 70 foiz, Bandixon, Qiziriq, Sherobod tumanlarining 90 foiz va Boysun, Sariosiyo, Uzun, Denov tumanlaridagi barcha iste’molchilarga Tojikistonning «Regar-500» podstansiyasidan chiquvchi 220 kVt-soat L-Regar-Zarchop va L-Regar-Sherobod elektr uzatish tarmoqlari orqali elektr energiyasi yetkazib berilmoqda.
