Joriy yilning 1-iyun kuni Paxtachi tumani “Ko’rpa” mahallasida 1-sektor hududidagi 16 ta mahalla kesimida aholi bilan sayyor qabul bo’lib o’tdi. Unda sektor rahbari bo’lmish tuman hokimi Muzaffar Hamdamov, O’zbekiston respublikasi Prezidentining Paxtachi tumanidagi xalq qabulxonasi rahbari Haqnazarov, hokim yordamchilari, mahalla raislari, xotin-qizlar faollari va tumandagi barcha tashkilotlardan ma’sul xodimlar ishtirok etishdi. Unda mutasaddilar aholi murojaatlariga robaro kelishib, suhbatlashib, ularning taklif va muammolarini o’rganishdi.
Sayyor qabul davomida mutasaddilarga jami 35 murojaat tushib, talab va takliflarning aksariyati joyida ko’rib chiqildi. Ular orasida “Ko’rpa” mahallasida istiqomat qiluvchi Fotima Azimova ham o’zining kashtachilik hunarini kengaytirish maqsadida murojaat qildi. Uni tuman hokimi tinglab, tegishli rahbarlarga ijobiy yechim borasida topshiriqlarni berdi.
Bugungi aholi murojaatlarining asosiy qismi ichimlik suvi, yo’l va uy-joy subsidiyasiga doir muammolarni tashkil qildi. Albatta, bu kabi sayyor qabullar amalda ham o’z natijasini ko’rsatsa, aholi bundan yanada mamnun bo’lishadi.
Zulfinoy Yusupova, O’zJOKU talabasi. «Muhim24.uz» amalyotchisi.
