Qandli diabet yildan yilga yasharib bormoqda. Bu dardga chalinganlar orasida yosh bolalar, hatto chaqaloqlar ham borligi xavotirli holat. Mutaxassislarning bu tashvishida asos bor. Chunki hayotining ilk yillaridayoq farzandining bunday hastalikka chalinishini hech bir ota-ota xayoliga keltirmaydi. Kasallik bilan chalingan bolalarga esa, doimiy mehr va e’tibor kerakdir.
Paxtachi tumanida ham, bu kasallik bilan davolanib kelayotgan bolalar yo’q emas. Bugun 1-iyun kuni ular uchun unutilmas kun bo’ldi. Sababi, ularni shifokori ota onalari bilan birgalikda tumandagi yoshlar uchun mo’ljallangan keng imkoniyatlar maskani ya’ni yoshlar markaziga olib kelishdi. Bolalar bilan suhbatlashar ekanmiz, markazda tashkil etilgan turli xil darslar bolalarda qiziqish uyg’otganligiga guvoh bo’ldik. Kelgusida ular bu darslarga kelishi uchun qiziqtirgan savollariga javob olishdi.
– Bayram munosabati bilan, qandli diabetga chalingan 15 nafar bolalarni xursand qilish maqsadida aylantirishga olib chiqdik. Bir muddat bo’lsada, kasalligi haqida o’ylamasligi uchun ularga, doim e’tibor zarurdir. Bolalar birdek dorilar ichishadi, insulin olishadi. Bundan ular juda bezib qolishgan, shunday ekan ularga doimiy mehr berilsa hayotga bo’lgan qiziqishlari ham ortib boradi — deydi tuman tibbiyot birlashmasi endokrinolog shifokori Dilshod Qarshiyev.
Bolalar markazdan so’ng oshxonaga borishib tamaddi qilishdi. U yerda multifilm qahramonlari ularning dillarini xushnud qildi. Bayram so’ngida sovg’alar ulashildi.
Madina Erkinova, tayyorladi.
