Oʼzbekiston futbol assotsiatsiyasi bir qator soliqlardan ozod etilmoqda.
Prezident tomonidan imzolangan Qonun (OʼRQ–857, 18.07.2023 y.) bilan Soliq kodeksining 483-moddasiga qoʼshimcha kiritildi.
🔰Shunga koʼra, 2026 yil 1 yanvargacha Oʼzbekiston futbol assotsiatsiyasi, uning hududiy boʼlinmalari, “Oʼzbekiston Professional futbol ligasi” jamoat birlashmasi, Oʼzbekiston futbol hakamlari markazi va professional futbol klublari quyidagi soliqlarni toʼlashdan ozod etiladi:
🔹barcha turdagi soliqlarni (bundan ijtimoiy soliq mustasno);
🔹oʼzi jalb qilgan chet el mutaxassislari va futbolchilarining daromadlaridan toʼlanadigan jismoniy shaxslardan olinadigan daromad soligʼini;
🔹Oʼzbekistonga olib kiriladigan, Oʼzbekistonda oʼxshashi ishlab chiqarilmaydigan sport asbob-uskunalari va inventari, translyatsiya qilish uchun zarur boʼlgan asbob-uskunalar, inventarь va texnika, farmakologiya tovarlari, sport oziq-ovqatlari, futbol (futzal) maydonlari uchun sunʼiy oʼtlar, shokpad, granulalar, maxsus yelimlar va maxsus professional sport kiyim-boshlari, transport vositalari, shu jumladan maxsus transport vositalari uchun qoʼshilgan qiymat soligʼini.
Qonun rasmiy eʼlon qilingan kundan eʼtiboran kuchga kiradi.
