Xalq deputatlari tuman Kengashining navbatdagi to‘qson ikkinchi sessiyasini
chaqirish toʻgʻrisida Paxtachi tuman hokimligi qarori qabul qilindi.
Unga koʻra, 2023-yilning 15-avgust kuni soat 11:00 tuman hokimligining majlislar zalida boʻlib oʻtishi belgilandi.
Sessiya davomida quyidagi masalalar koʻrib chiqilishi rejalashtirilgan:
Xalq deputatlari tuman Kengashi deputatlarining deputatlik odobi qoidalarini tasdiqlash toʻgʻrisida;
– Xalq deputatlari tuman Kengashining Sanoat, transport, qurilish, kommunal soha va aholiga xizmat ko‘rsatish masalalari bo‘yicha doimiy komissiyasining shaxsiy tarkibini qayta tuzish va tasdiqlash to‘g‘risida;
– Xalq deputatlari tuman Kengashiga 19-Bodoy saylov okrugidan saylangan deputat Xalilov Shaxobiddin Isroyilovichning deputatlik vakolatini muddatidan oldin tugatish to‘g‘risida;
– tuman Tibbiyot birlashmasi boshlig‘i U.Suvanovning tumanda aholi salomatligini muhofaza qilish borasidagi faoliyati, sog‘liqni saqlash, xususan, tez
e-qaror.gov.uz 07.08.2023 tibbiy yordam, kafolatlangan bepul tibbiy yordamni ko‘rsatilishi holati bo‘yicha olib borilayotgan ishlar yuzasidan hisoboti to‘g‘risida;
– tuman Sanitariya-epidemiologiya osoyishtalik va jamoat salomatligi markazi boshligʻi M.Rasulovning 2023-yil 6 oyi davomida tumanda yuqumli kasalliklarga qarshi kurashish samaradorligini oshirish, aholi orasida sogʻlom turmush tarzini keng targʻib qilish borasida olib borilgan ishlar yuzasidan hisoboti to‘g‘risida.
– boshqa masalalar.
Eslatib oʻtamiz, ushbu qaror Paxtachi tumani hokimi vazifasini vaqtincha bajaruvchi U.Arnaqulov tomonidan qabul qilingan.
