Andijonlik oʻqituvchi oʻz maoshidan aʼlochi oʻquvchilariga stipendiya berdi.
“Oʻquvchilarim koʻzidagi quvonch olayotgan maoshimdan koʻra koʻproq huzur beradi”, – deydi Marhamat tumanidagi 6-umumtaʼlim maktabi oʻqituvchisi Yorqinoy Mamatisaqova.
Yorqinoy opa 30 yildan buyon rus tili va adabiyoti fanidan dars berib keladi.
Ushbu fidoyi pedagog 1-chorak yakuni boʻyicha 4 nafar aʼlochi oʻquvchisini aniqlab, sinf rahbarligi uchun toʻlanayotgan maoshidan “Ustoz stipendiyasi” berishni yoʻlga qoʻydi.
