Rossotrudnichestvo Oʻzbekiston milliy media assotsiatsiyasi bilan barcha aloqalar toʻxtatilganini maʼlum qildi. Bunga sabab sifatida Sherzod Qudratxoʻjaning mamlakatda yashaydiganlar oʻzbek tilini bilmasligi haqida bergan bayonoti koʻrsatilgan. Bu haqda federal agentlik rahbari Yevgeniy Primakov Telegram kanalida post qoldirdi.
Xabarda qayd etilishicha, Mustaqil Davlatlar Hamdoʻstligi va xalqaro gumanitar hamkorlik boʻyicha federal agentlik (Rossotrudnichestvo) rahbari Yevgeniy Primakov Oʻzbekiston Milliy media assotsiatsiyasi rahbari Sherzod Qudratxoʻjaning bayonotlari tufayli soha boʻyicha aloqalarni vaqtincha toʻxtatgan. Shuningdek, u rahbarlik qilayotgan tuzilmalar bilan aloqalar ham toʻxtatilishi aytilgan. Shuningdek, u OʻzJoku rektori Qudratxoʻjaning mamlakatda yashaydiganlar oʻzbek tilini bilishi kerakligi haqida aytgan fikriga javoban, yomon tarbiya koʻrganini aytib, haqortomus bayonot bergan.
“Toshkentdagi madaniyat markazi, «Rus uyi”ning koʻplab madaniy, maʼrifiy va ilmiy almashinuv dasturlari, rus tili, sanʼati va rus oliy taʼlimining Oʻzbekiston rezidentlari uchun jozibadorligi haqidagi ishiga asoslanib, janob Qudratxoʻjaning rusofob fikrlari Oʻzbekistonda mashhur emas. Mamlakatlarimiz va xalqlarimiz oʻrtasidagi amalda mavjud doʻstlik va ittifoqchilikka asoslangan holda bu gaplarni respublika masʼul vakillari inkor etishlari oson boʻladi», deydi Primakov
“Ishonchim komilki, Rossiyada taʼlim olishni istagan yuzlab va minglab yoshlar, mamlakatlarimiz oʻrtasidagi oʻsib borayotgan savdo aylanmasi, turizm, doʻstlik qadriyatlari, oʻzaro yordam, bizni birlashtirgan Ulugʻ Vatan urushining tarixiy xotirasi, zilziladan keyin Toshkentning qayta tiklanishi, bularning barchasi va yana koʻp narsalar – Qudratxoʻjaning ota-onasi tomonidan juda yomon tarbiyalanganini tasdiqlaydi” — Primakov.
Qolaversa, agentlik rahbari Qudratxoʻjayev va uning yaqinlari Rossiyaga “bora olmasa”, ikki tomonlama biznes yurita olmasa, xafa boʻlmasligini aholida ta’kidlagan.
«Ishonchim komilki, janob Qudratxoʻja nafaqat oʻzi, balki yaqinlari ham Rossiyada oʻqish, biznes yuritish, stajirovkada qatnashish va hokazo imkoniyatini qoʻlga kirita olmasa, xafa boʻlmaydi. Oʻzbekiston va uning xalqiga samimiy simpatiya bilan Yevgeniy Primakov», deydi u.
Avvalroq Qudratxoʻja mamlakatda yashab turib, oʻzbek tilini bilmaydiganlar haqida gapirgandi. Shunga javoban Yevgeniy Primakov aloqalar toʻxtatilganini aytgan.
