Bugun, 28 iyun kuni Toshkent shahridagi “Chorsu” bozorida yirik yong‘in yuzaga keldi. Bu haqda Favqulodda vaziyatlar vazirligi xabar berdi.
Unda keltirilishicha, yong‘in tungi soat 01:12 da Shayxontohur tumani, Beruniy ko‘chasidagi “Chorsu” bozori hududidagi savdo do‘konlarida sodir bo‘lgan. FVBga kelib tushgan xabarga ko’ra voqea joyiga yetib borishgan. Yong’inni 12 ta yong‘in-qutqaruv ekipaji soat 01:17 da voqea joyiga yetib borib, soat 02:22 da qurshab olingan va soat 02:47 da to‘liq bartaraf etilgan.
Yong‘in oqibatida tan jarohati olgan va vafot etgan fuqarolar to‘g‘risida xabar kelib tushmagan. Vaziyat to‘liq nazoratga olingan. Hodisa joyiga Favqulodda vaziyatlar vaziri general-mayor Abdulla Qo‘ldoshev ham yetib borgan.
“Hodisa joyida favqulodda vaziyatlar vaziri va tegishli tashkilotlar rahbarlari o‘rganish ishlarini olib bormoqda”, deyilgan FVV xabarida.
Jamolbek SALOMOV tayyorladi
