Bu haqda «CoinTelegraph» xabar berdi. Hamster Kombat 150 million foydalanuvchini qamrab olgan tarixdagi uchinchi eng tezkor ilova bo’ldi.
"CoinTelegraph" xabaridan foto
«Texnologiya olamida 150 million foydalanuvchiga erishish – bu eksklyuziv bosqich. Faqat eng muvaffaqiyatli platformalar muvaffaqiyatga erishadilar, bu Hamster Kombatning paydo bo’lishini 2024 yildagi eng qiziqarli voqealardan biriga aylantiradi», deyiladi CoinTelegraph xabarida.
2016 yilgi kengaytirilgan reallik mobil o‘yini Pokémon GO 150 million foydalanuvchiga yetib borishi uchun 33 kun kerak bo‘lgandi. U rekordni 2023-yilning yozigacha saqlab qolgan, o‘shanda Instagram’ning X’ga raqibi bo‘lgan Threads atigi olti kun ichida yuqori ko‘rsatkichga erishgandi.
Hamster esa uch oy ichida 200 million obunachiga erishganini aytmoqda.
Hamster Kombatning o’yindagi mexanikasi bo’lmish YouTube kontenti va ijtimoiy media platformalari bilan uzviy bog’liqligi natijasida, uning YouTube sahifasi butun dunyo bo’ylab platformaning eng ko’p obuna bo’lgan kanali bo’lgan Mr Beastning obuna raqamlarini ortda qoldirdi.
U olti kun, 13 soat va 15 daqiqa ichida 10 milliondan ortiq obunachilarni to‘plagan birinchi YouTube kanali sifatida Ginnesning rekordlar kitobiga kirish uchun ariza topshirgan.
Eslatib o’tamiz, O‘zbekistonda hali kriptovalyuta o’yinlari qonuniylashmagan.
Jamolbek SALOMOV
