Toshkentdagi tungi klub oldida fuqarolarni kaltaklagan erkak Qozog‘istonda ushlandi.
Yakkasaroy tumanida sodir etilgan jinoyat bo‘yicha olib borilgan tergov harakatlari davomida 1995-yilda tug‘ilgan Akmal Shukurov tergovdan qochib yashiringanligi sababli O‘zbekiston Respublikasi Jinoyat kodeksining 277-moddasi («Bezorilik») va 104-moddasi («Qasddan badanga og‘ir shikast yetkazish») bilan ayblanib, unga nisbatan «Qamoqqa olish» ehtiyot chorasi qo‘llangan.
Huquqni muhofaza qiluvchi organlar tomonidan olib borilgan tezkor tadbirlar natijasida A. Shukuro Qozog‘iston Respublikasida qo‘lga olindi. Hozirda uni Toshkent shahriga ekstraditsiya qilish choralari ko‘rilmoqda.
