Xalqaro Doping-test agentligi (ITA) tomonidan e’lon qilingan rasmiy hisobotga ko‘ra, taekvondo bo‘yicha ikki karra Olimpiya o‘yinlari chempioni Ulug‘bek Rashitov doping nazorati qoidalarini buzganlikda aybdor deb topildi.
Agentlik ma’lumotlariga ko‘ra, sportchi so‘nggi 12 oy ichida uch bor dopinga oid qoidabuzarliklarga yo‘l qo‘ygan. Xususan, u doping nazoratiga kelmagan yoki test topshirish qoidalarini buzgan holatlar qayd etilgan.
Natijada, Rashitov 2027-yil 12-mayga qadar barcha rasmiy musobaqalarda ishtirok etish huquqidan mahrum etildi. Shuningdek, uning 2025-yil 3-fevraldan keyingi barcha shaxsiy natijalari bekor qilindi.
