Amir Temur skveri 23-martdan 7-aprelgacha vaqtincha yopiladi.
Toshkentda Amir Temur skveri 2026-yil 23-martdan 7-aprelgacha obodonlashtirish ishlari sabab yopiladi. Cheklovlar skverning butun hududiga taalluqli bo‘ladi.
Bu davrda piyodalar yo‘laklari yangilanadi, kommunikatsiyalar modernizatsiya qilinadi va hudud ko‘kalamzorlashtiriladi. Daraxtlarga zarar yetkazilmaydi, aksincha yangi ko‘chatlar ekiladi.
Yaqin ko‘chalarda transport harakati o‘zgarishsiz qoladi, ammo skverga olib boruvchi metro chiqishlari vaqtincha yopiladi.
