Hamas nazoratidagi Sog’liqni saqlash vazirligi rasmiylari ma’lum qilishicha, dushanba kuni G’azodagi eng yirik kasalxona oldida Isroil bosqinchilari va falastinlik jangchilar o’rtasidagi janglar minglab odamlarni keng tarqalgan tibbiy muassasadan qochishga majbur qildi. Kechagi maqolalarimizda bu haqda batafsil yozgan edik. Buning oqibatida esa yuzlab bemorlar va urush tufayli ko’chirilgan boshqa odamlar ichkarida qolmoqda.
Kasalxonadagi bemorlar orasida elektr quvvati yo’qligi sababli o’lish xavfi ostida bo’lgan o’nlab chaqaloqlar bor, deydi muassasa sog’liqni saqlash xodimlari.
Hamas hukumati sog’liqni saqlash vaziri o’rinbosari dushanba kuni G’azoning o’qqa tutilgan va qamal qilingan eng yirik al-Shifa kasalxonasida elektr yo’qligi sababli shanba kunidan beri «yetti nafar yangi tug’ilgan chaqaloq» va «reanimatsiyadagi 27 bemor» o’lganini e’lon qildi.
Eng achinarlisi G’azodagi 2,3 million aholisining uchdan ikki qismi, hatto undan ham ko’prog’i urush boshlanganidan beri uylarini tashlab ketishga majbur bo’lgan.Hududdagi eng yirik shahar hududi bo’lgan G’azo shahri jangari guruhning 7 oktyabrda Isroil janubiga urush boshlaganidan so’ng, Xamasni tor-mor etishga qaratilgan kampaniya janglarining markaziga aylangan.
G’azodagi Sog’liqni saqlash vazirligi xabarlariga ko’ra, tinch aholi va jangarilar o’limini shu kungacha 11 mingdan ortiq falastinlikni tashkil etmoqda. Ularning uchdan ikki qismi ayollar va voyaga etmaganlardir. 2700 ga yaqin odam bedarak yo‘qolgan deb topildi.
Isroilda 1200 dan ortiq odam halok bo’lgan. Ularning aksariyati XAMAS hujumida, 240 ga yaqin kishi Falastin jangchilari tomonidan garovga olingan.
G’azodagi eng yirik shifoxona «endi shifoxona sifatida ishlamayapti», JSST
Jahon sog’liqni saqlash tashkiloti rahbarining aytishicha, G’azodagi eng yirik shifoxona «endi shifoxona sifatida ishlamayapti».
Shifokor Tedros Gebreyesus X-(avvalgi Twitter)da yozishicha, Shifa kasalxonasi so’nggi uch kun davomida elektr ta’minotisiz, «suvsiz va internetsiz qolgan. Bu bizning asosiy tibbiy yordam ko’rsatish qobiliyatimizga jiddiy ta’sir ko’rsatdi» demoqda.
«Xavfsiz boshpana bo’lishi kerak bo’lgan shifoxonalar o’lim, vayronagarchilik va umidsizlik sahnalariga aylanganda dunyo jim turolmaydi», deb yozmoqda Tedros posti davomida.
Ayni paytda BMTning Gumanitar masalalarni muvofiqlashtirish boshqarmasi xabar o’z xabarlarida, shanba kuni tushdan keyin Isroilning Shifa shifoxonasi atrofidagi bombardimonlari va qurolli to’qnashuvlar anchayin kuchayganini aytmoqda.
“Muhim infratuzilma, jumladan, kislorod stansiyasi, suv rezervuarlari va quduq, yurak-qon tomir inshooti va tug‘ruqxona shikastlangan, uch nafar hamshira halok bo‘lgan”, — deyiladi agentlik xabarida.
Shuningdek, ba’zi xodimlar va bemorlar qochib ketishgan, boshqalari esa ichkarida qolib ketgan.
