Uzbekistan Airways Isroilga parvozlarni davom ettirmoqda.
Oʻzbekistonning Isroildagi elchixonasi “Uzbekistan Airways” Milliy aviakompaniyasining Toshkentdan Tel-Avivga parvozlarini vaqtincha toʻxtatgani haqidagi xabarini oʻzgartirdi.
12-oktabr kuni diplomatik missiya aviakompaniya xavfsizlik nuqtai nazaridan parvozlarni toʻxtatishga qaror qilganini maʼlum qildi. Tez orada xabar oʻzgartirildi. Unda aytilishicha, aviatashuvchi parvozlarni davom ettirishga qaror qilgan.
Keyingi reyslar haqidagi maʼlumotlar qoʻshimcha ravishda eʼlon qilinadi, deyiladi xabarda.
