Joriy yil 3-iyun kuni Zarafshon shahrida yashovchi 34 yoshli X. Xamrayeva va uning turmush oʻrtogʻi A. Ahmadovlar bir yoʻla 3 nafar egizakning ota-onasiga aylandi.
Respublika ixtisoslashtirilgan ona va bola salomatligi ilmiy-amaliy tibbiyot markazi Navoiy viloyat filialida goʻdaklarning sogʻlom tugʻilishi uchun barcha zarur shart-sharoit hozirlandi. Kesarcha usulda, asoratsiz tugʻuruq amaliyoti natijasida 2555, 2115 va 2055 grammlik 3 nafar, bir nafar qiz va ikki nafar oʻgʻil chaqaloq dunyoga keldi.
Hozirda goʻdaklarning ahvoli yaxshi. Ularning parvarishi hamda ona suti bilan oziqlanishi neonatolog-shifokor va hamshiralar nazorati ostida.
