“Pokistonning sharqiy va Hindistonning shimoliy hududlarida havo ifloslanishi darajasi shunchalik yuqoriki, hosil boʻlgan tutunli tuman kosmosdan ham yaqqol koʻrinmoqda”, deb yozadi CNN.
Dunyodagi turli hududlarda havo sifatini kuzatib boruvchi IQAir tadqiqot kompaniyasiga koʻra, ayni paytda eng iflos havo Lahorda kuzatimoqda. Ikkinchi oʻrinda esa Hindistonning Dehli shahri turibdi.
Ifloslanish zavodlar, qishloq xoʻjaligi va avtomobillardan chiqadigan zararli chiqindilar natijasida yuzaga kelgan. Vaziyat yuqori namlik va shamol etishmasligi tufayli yanada ogʻirlashadi. Panjob provinsiyasi rasmislari maktablarni yopib, niqob taqishni majburiy qilib qoʻydi.
Bugun insoniyat iqlim oʻzgarishlari haqida shunchaki nazariy muloqotlar qiladigan davrdan oʻtib boʻldi. Dunyo meteorologiya markazlari, xususan, AQSHning Okean va atmosfera tadqiqotlari boshqarmasi (NOAA) dahshatli ogohlantirish bilan chiqdi. 2026-yilning ikkinchi yarmida sayyoramizda oʻta kuchli “Super El-Ninyo” anomaliyasi boshlanadi. Bu global ob-havo zanjirining buzilishi va harorat rekordlarining yangilanishini anglatadi.
