Toshkentda yigit metroda shahvoniy shilqimlik qilgani uchun besh sutkaga qamaldi.
⠀
2023-yilning 10-may kuni Xorazm viloyatida tugʻilgan 24 yoshli Shamuratov Jamshidbek metroda vagonda oʻzi tanimagan voyaga yetmagan qizning orqa va pastki qismiga teginib shilqimlik qilgan. Qiz bu haqda darhol vokzal xodimlariga xabar bergan, huquqbuzar qoʻlga olingan.
⠀
12-may kuni Jinoyat ishlari boʻyicha Toshkent shahar Chilonzor tuman sudida mazkur ish boʻyicha sud majlisi boʻlib oʻtdi. Unda Shamuratov oʻz aybiga iqror boʻlib, qilmishidan pushaymon ekanini aytib, suddan jazoni yengillashtirishni soʻradi. Jabrlanuvchi, oʻz navbatida, unga tegishli jazo berilishini soʻradi.
⠀
Dastlabki tergov organlari Shamuratov Jamshidbekning qilmishlarini mayda bezorilik sifatida kvalifikatsiya qilgan (Maʼmuriy javobgarlik toʻgʻrisidagi Kodeksning 183-moddasi). Biroq raislik qiluvchi sudya J.Qurbonov uni 41-1-modda (shahvoniy shilqimlik qilish) bilan kvalifikatsiya qildi. Sud hukmi bilan ayblanuvchi besh sutkaga ozodlikdan mahrum etildi.
Suriya va Livanda 2000ga yaqin odamning telefoni portlab ketgan
Soʻnggi xabarlarga koʻra, Suriya va Livan hududida 5000 ta aloqa vositalari portlagani aytilmoqda. Livanning oʻzida Hizbullohga aloqador 2000 ga yaqin shaxsning ratsiya hamda mobil telefonlari...