O‘zbekiston viloyatlarida yirik summaga noqonuniy xizmat ko‘rsatayotgan advokatlar qo‘lga olindi.
Andijon viloyatida advokatlik firmasi stajyori o‘z aloqalari orqali 34 ming dollar evaziga 34 sotix yer olib berishni va’da qilgan, deb xabar bermoqda Davlat xavfsizlik xizmati.
Toshkentda advokat 25 ming dollar evaziga to‘rt nafar gumonlanuvchining jinoiy aybini ma’muriy javobgarlikka o‘zgartirishni rejalashtirgan.
Buxoro viloyatida advokat allaqachon sudlangan fuqaroga nisbatan 12 ming dollar evaziga oqlov hukmini chiqarishga va’da berdi.
