“Shorouknews” nashrining xabariga ko‘ra, O‘zbekiston milliy terma jamoasi noyabr oyida Birlashgan Arab Amirliklarida o‘tadigan xalqaro mini-turnirda ishtirok etadi.
Musobaqada O‘zbekiston, Misr, Eron va Kabo-Verde terma jamoalari ishtirok etadi. Qur’a natijalariga ko‘ra, Fabio Kannavaro boshchiligidagi O‘zbekiston dastlab Misrga qarshi bahs olib boradi. Ushbu o‘yin g‘olibi esa Eron va Kabo-Verde jamoalari o‘rtasidagi uchrashuvda zafar quchgan jamoa bilan finalda to‘qnash keladi.
Eslatib o‘tamiz, turnirda qatnashayotgan Misr va Eron terma jamoalari singari O‘zbekiston ham JCH–2026 yo‘llanmasini qo‘lga kiritgan. Kabo-Verde esa 13 oktabr kuni mundialga chiqish masalasini hal qilishi kutilmoqda.
