Xalq deputatlari Paxtachi tumani Kengashining navbatdagi sessiyasida hududni ijtimoiy-iqtisodiy rivojlantirish, aholi farovonligini oshirish hamda iqtisodiyotning ustuvor yo‘nalishlarida amalga oshirilayotgan ishlar atroflicha muhokama qilindi.
📋 Sessiya kun tartibidan o‘rin olgan asosiy masalalar:
Ijtimoiy-iqtisodiy rivojlantirish hisoboti: Tuman hokimi Qayum Norbekovich Xushbaqov 2026-yilning I yarim yilligi yakunlari bo‘yicha tumanni ijtimoiy-iqtisodiy rivojlantirish borasida bajarilgan ishlar va istiqboldagi ustuvor vazifalar yuzasidan hisobot berdi. Shuningdek, O‘zbekiston Respublikasi Prezidentining 2025-yil 20-oktabrdagi PF–185-son Farmoni ijrosi doirasida favqulodda vaziyatlarning oldini olish choralari yoritildi.
Mablag‘larni yo‘naltirish va huquqiy hujjatlarni muvofiqlashtirish:
- Tuman Kengashining 2026-yil 25-iyundagi qarorining ayrim bandlarini amaldagi qonunchilikka muvofiqlashtirish masalasi ko‘rib chiqildi.
- Mahalliy budjetning qo‘shimcha manbalari hamda “Infratuzilma va ijtimoiy barqarorlik” jamg‘armasi mablag‘larini samarali yo‘naltirish bo‘yicha takliflar deputatlar tomonidan ma’qullanib, tegishli qarorlar qabul qilindi.
Sog‘liqni saqlash va suv resurslarini boshqarish:
- Tuman Sog‘liqni saqlash bo‘limi boshlig‘i Anvar Bobomuradov 2026-yilning 6 oyi davomida sohada erishilgan natijalar va mavjud muammolar bo‘yicha axborot berdi. Aholi murojaatlari bilan ishlashni kuchaytirish lozimligi ta’kidlandi.
- “Suv yetkazib berish xizmati” DM tomonidan suv resurslarini samarali boshqarish, ob’ektlar texnik holatini yaxshilash va suv tejovchi texnologiyalarni tatbiq etish bo‘yicha amalga oshirilgan ishlar tahlil qilindi.
Sessiya yakunida kun tartibidagi barcha masalalar yuzasidan tegishli qarorlar qabul qilinib, ijrosini o‘z vaqtida ta’minlash bo‘yicha soha mutasaddilariga aniq topshiriqlar berildi.
