Rossiya 2014-yildan beri birinchi marta dunyoning eng yirik iqtisodiyoti rivojlangan davlatlar oʻntaligiga qaytdi
Jahon banki va milliy statistika xizmatlari maʼlumotlariga asoslangan RIA Novosti hisob-kitoblariga koʻra, Rossiya 2014-yildan beri birinchi marta dunyoning eng yirik iqtisodiyoti rivojlangan davlatlar oʻntaligiga qaytdi.
2022-yil oxirida Rossiya 2,3 trillion dollarlik mahsulot va xizmatlar ishlab chiqardi va bu unga ushbu koʻrsatkich boʻyicha sakkizinchi oʻrinni egallash imkonini berdi. Rossiya oxirgi marta, 2014-yilda 2,05 trillion dollar yalpi ichki mahsulot bilan toʻqqizinchi oʻrinni egallagan edi. 2021-yilda mamlakat 11-oʻrinni egallagan edi.
Qoʻshma Shtatlar oʻtgan yili 25,46 trillion dollar nominal YAIM bilan dunyodagi eng yirik iqtisodiyoti rivojlangan davlati boʻlib qoldi. Ikkinchi oʻrinda Xitoy (17,94 trln), Yaponiya esa anʼanaviy tarzda kuchli uchlikni (4,17 trln) yopdi.
Germaniya toʻrtinchi (4,07 trillion) oʻrinda qoldi, Hindiston esa beshinchi qatorni (3,4 trillion) egalladi. Britaniya oltinchi oʻrinni saqlab qoldi (3,07 trillion), Fransiya yettinchi oʻrinda qoldi (2,78 trillion).
Kanada toʻqqizinchi oʻrinni egalladi (2,14 trillion dollar), Italiya (2,01 trillion dollar) bir yil ichida sakkizinchi oʻrindan oʻninchi oʻringa tushib ketdi. Shu bilan birga, Janubiy Koreya birdaniga uchta pogʻonani yoʻqotib, 13-oʻrinni egalladi.
Yalpi ichki mahsulot boʻyicha mamlakatlar reytingi milliy statistika idoralari tomonidan milliy valyutalarda taqdim etilgan soʻnggi yillik yoki choraklik maʼlumotlar asosida hisoblab chiqilgan va zarurat tugʻilganda tegishli davrdagi oʻrtacha kurs boʻyicha dollar koʻrinishida qayta hisoblangan.
