1914-yil 15-yanvar – Samarqanddagi Xalq uyida “Padarkush” spektakli birinchi marta namoyish etildi.
Adabiyotshunos olim, akademik Naim Karimovning qayd etishicha, bu oʻzbek xalqining madaniy hayotida ulkan voqea boʻldi.
Shu kuni oʻzbek milliy teatri dunyoga keldi. Behbudiy birinchi oʻzbek dramasining muallifigina boʻlib qolmay, uni sahnalashtirishda ikkinchi rejissyor sifatida ham ishtirok etdi.
Asarda oʻqimagan bolaning padarkushga – otasining qotiliga aylanish jarayoni tasvirlanar ekan, Behbudiy ilm-fanning shaxsning qanday inson boʻlib shakllanishidagi rolini koʻrsatib berishni oʻz oldiga maqsad qilib qoʻygan edi.
