Navoiy viloyati Karmana tumanida qurilish mollari doʻkonidagi yongʻin toʻgʻrisidagi birlamchi maʼlumot berildi.
10-aprelga oʻtar kechasi Navoiy viloyati Karmana tuman FVB dispechirlik xizmatiga soat 23:03 da Karmana tumani I. Karimov koʻchasida joylashgan 3 qavatli qurilish mollari savdo markazida yongʻin toʻgʻrisidagi xabar kelib tushdi. Xabarga koʻra FVBdan 14 yongʻin qutqaruv ekipajlari jalb qilinib, voqea joyiga zudlik bilan yetib borildi. FVB xodimlari 800 kv m. ga ega boʻlgan savdo doʻkonidagi yongʻinni soat 01:59 da bartaraf etishdi. Tan jarohati olganlar va xalok boʻlganlar toʻgʻrisida maʼlumot kelib tushmadi.
