Afgʻonistonga qoʻshni davlatlar TIV rahbarlari Samarqandda qanday bayonotlar berdi:
Oʻzbekiston TIV: “Afgʻonistondagi vaziyat ogʻirligicha qolmoqda. Ishonchimiz komilki, afgʻon muammosi yaqin kelajakda ham koʻplab davlatlar manfaatlariga daxl qilib, mintaqaviy va global xavfsizlikning asosiy omillaridan biri boʻlib qoladi. Bu, birinchi navbatda, bizga, qoʻshni davlatlarga taalluqli”.
Xitoy TIV: “Biz Qoʻshma Shtatlar va boshqa Gʻarb davlatlari Afgʻonistonga nisbatan qoʻllanilgan bir tomonlama sanksiyalarni bekor qilishlari kerakligini taʼkidlaymiz. Afgʻoniston hamkorlik uchun yangi platformaga aylanishi kerak”.
Eron TIV: “AQSH Afgʻonistonni bosib olgan 20 yil davomida narkotik muammosi nafaqat hal etilmadi, balki, Afgʻonistonda giyohvand moddalarni yetishtirish va kontrabanda qilish hajmi bir necha barobar oshdi. Bu qora bozorni kengaytirishda Gʻarb davlatlari mafiya tarmoqlarining oʻrni yaqqol koʻrinib turibdi.
Eron terrorizm va ekstremizm muammosi, shuningdek, AQSHning Afgʻonistonda terrorizm uzluksiz rivojlanishi va xavfsizlikning yoʻqolishiga olib kelayotgan notoʻgʻri siyosatidan xavotirda”.
