Eldor Shomurodov A Seriya debyutanti «Kalyari» safiga o‘tadigan bo‘ldi.
«Kalyari» Shomurodovni sotib olish huquqi bilan bir yillik ijaraga oladi va «1+3» shaklida 2027 yilga qadar shartnoma imzolaydi.
Ma’lumot uchun, ushbu klubni mashhur murabbiy Klaudio Raneri boshqaradi. Italiyalik 71 yoshli mutaxassis yanvar oyida «Kalyari» bosh murabbiyiga aylangach, B Seriyada 14-o‘rinda borayotgan klubni yarim yil ichida peshqadamga aylantirib, A Seriyaga olib chiqdi.
Eslatib o‘tamiz, Shomurodov o‘tgan mavsumni ijara asosida «Spetsiya»da o‘tkazgan.
