Assalomu alaykum qadrli Muhim24.uz saytining qadrdon mushtariysi. Jamoamiz bilan bugun «Choyxonaga sport muhokamasi» orqali qaysi sport turi haqida yangiliklarni taqdim etsak ekan, deb o’ylab, oxiri so’nggi kunlarda ko’pchilik orasida katta muhokamalarga sabab bo’layotgan Yevropa futboli transferlari haqida so’z yuritishga qaror qildik.
Bugungi dayjestimizda esa siz Yevropa futbol osmonidan Saudiya tomon uchayotgan mashhur futbolchilar haqida mutolaa qilasiz.
So’nggi kunlarda Yevropa futbolining transfer bozorida bir qator yangiliklar kuzatildi. Jumladan,
Mbappe o’yinga qaytdi, klubda qoladimi?
Ushbu transfer kunlarining markaziy mavzusi Kilian Mbappe atrofida boʻlayotir. Hujumchi uch hafta oldin “PSJ”ning asosiy jamoasidan chetlashtirilgan edi va endi Liga 1 1-turidan koʻp oʻtmay, futbolchi jamoaga qaytarildi. Klubning taʼkidlashicha, bu qaror “Loren” bilan muvaffaqiyasiz oʻyindan oldin qabul qilingan. “The Atletic” nashrining xabar berishicha, Parij klubi Mbappening shartnomani uzaytirishidan hamon umidvor, boshqa nashrlarning xabariga koʻra, futbolchi hattoki jamoadan tekinga ketmaslikka vaʼda bergan.
Saudiyadan Neymarga aqldan ozdiruvchi pul taklifi
Shu kunlarda ko’plab muhokamalarga sabab bo’layotgan transfer bu Neymarning “Al-Hilol”ga oʻtishi borasdagi so’zlar bo’ldi. Uning Saudiya klubiga o’tishi deyarli aniq boʻldi. Qayd etilishicha, braziliyalik futbolchi ikki yilda 160 million yevro ishlab topadi, “PSJ” esa 60 million yevro olardi. Bundan oldin Neymar ham “Loren” bilan boʻlgan oʻyinda qaydnomaga kiritilmagandi. Aqldan ozdiradigan pullar-a, Neymarning ham «ko’z»lar chiqib ketgandir-a, nima deysiz?!😂
Italiya TJ murabbiysi ham Saudiyaga «uchmoqchi»mi?
Italiya terma jamoasi bosh murabbiyi Roberto Manchini Yevro-2024 boshlanishiga 10 oy qolganida oʻz lavozimini tark etdi. Aftidan bu jamoaning natijalari bilan bogʻliq emas. Keyinroq italiyalik jurnalist Nikolo Shira murabbiy Saudiya Arabistoni terma jamoasini boshqarishga yaqin turgani haqida xabar berdi. Shuni aytsa kerakda, puling bo’lsa, changalda «Roberto» deb.😉(Xazil)
Zelenskiy ham arablarga «surmoqchi»
“Napoli” yarim himoyachisi Zelinskiyning Saudiya Arabistoniga oʻtishi haqidagi maʼlumotlar bir necha oylardan beri muhokama qilinmoqda. Avvaliga futbolchining “Al-Hilol”ga oʻtish ehtimoli yuqori ekanligi aytilgandi. Biroq, futbol insayderi Fabritsio Romano polyak futbolchisining yaqin orada “Al-Ahli”ga oʻtishi haqida maʼlumot berdi. Xabar qilinishicha, muzokaralar yakuniy bosqichda, futbolchining shaxsiy shartlari kelishib olingan.
Mana sizga choyxonadagi do’stlar davrasida qaynoqqina, qo’y yog’iga damlangan osh ustida muhokamabop mavzular. Arablar Yevropa futbolini «kasod» qilishlari ham mumkin, shu ketishda. Xo’sh, bugungi mavzularimiz sizga qanchalik manzur keldi? Siz bularga qanday fikrdasiz? Choyxonamizdagi keyingi gapda qaysi sport mavzusini muhokama qilamiz? Telegram sahifamiz orqali xabar posti ostida sizning fikrlaringizni kutamiz.
