AQSh 2023-yil 20-noyabrdan Meksika chegarasi orqali mamlakatga noqonuniy kirayotgan Oʻzbekiston fuqarolari AQShga qoʻyib yubormaydi
“Buning oʻrniga ular bilan bogʻliq immigratsiya ishi hal qilingunga qadar hibsda saqlanadi. AQSh Qoʻshma Shtatlarda qolish uchun qonuniy asosga ega boʻlmagan Oʻzbekiston fuqarolarini mamlakatdan chiqarib yuborish masalasi boʻyicha Oʻzbekiston hukumati bilan yaqindan hamkorlik qilmoqda. Mamlakatdan chiqarib yuborish tijorat aviakompaniyalari hamda AQSh Immigratsiya va bojxona nazorati bilan tuzilgan charter reyslari orqali amalga oshirilmoqda”, — deyiladi AQSHning Toshkentdagi elchixonasi bayonotda.
Shuningdek, diplomatik vakolatxona oʻzbekistonliklarni kontrabandachilarning yolgʻon vaʼdalariga uchmaslikka, AQSHga xavfsiz va qonuniy sayohat qilishga chaqirdi.
Maʼlum qilinishicha, AQSh chegarasini noqonuniy kesib oʻtgan shaxslar bu mamlakatga kamida besh yil ichida qonuniy ravishda qayta kirishlari taqiqlanadi. Noqonuniy migratsiyaga yordam beradigan oila aʼzolari ham viza olishdan butunlay mahrum etilishi mumkin.
