Energetika tizimi 1-dekabrdan 24 soatlik ish tartibiga oʻtadi. Yaqin oylarda 1 ming 700 megavattli 8 ta quyosh va shamol elektr stansiyasi, Sirdaryoda 500 megavattli gaz turbinasi ishga tushiriladi.
Shuningdek, Surxondaryodagi Shargʻun konida 900 ming tonna koʻmir qazib chiqarish boshlanadi.
Shuningdek, suyultirilgan gaz, mazut, transformator, kabel va boshqa zarur vositalarning zaxirasi tayyorlab qoʻyilgan.
Energetika vazirining ajratilgan mablagʻ evaziga joriy yilda qilingan ishlar va yaratilgan zaxira, kunlik isteʼmol va uni taʼminlash moʻljallari toʻgʻrisidagi axborotidan.
Eslatib o’tamiz. Prezident Shavkat Mirziyoyev sohaga 14,5 trillion soʻm ajratilgani haqida so’z yuritib, vazirlik mavsumda endi ma’suliyatni to’liq zimmasiga olishi kerakligini aytib o’tgan.
“Bu yil energetika tizimini yaxshilashga barcha manbalardan 14,5 trillion soʻm berdik. Qanday xomashyo, buyum, texnika kerak boʻlsa, olib berildi. Endi soha rahbarlari masʼuliyatni toʻliq zimmasiga olib, aniq reja qilishi va energiya yetkazib berishni kafolatli taʼminlashi zarur”, degan prezident Shavkat Mirziyoyev.
Bundan tashqari, Aholi va korxonalarni tabiiy gaz bilan barqaror ta’minlash maqsadida qo‘shimcha 5 milliard kub metr kafolatli gaz yetkazib berilishi hal qilindi. Yerosti omborlarida yetarlicha gaz zaxirasi jamlangani ham ta’kidlandi.
