Shavkat Umrzoqov Toshkent shahri hokimi etib tasdiqlandi
U 2023-yilning mart oyida Toshkent hokimi vazifasini bajaruvchi etib tayinlangan edi.
Prezident Shavkat Mirziyoyev boshchiligidagi Xalq deputatlari Toshkent shahri kengashi sessiyasida poytaxt hokimiga topshiriqlar berildi.
Yangi hokim oʻz oʻrinbosarlari, tuman hokimlari, sektor va bank rahbarlari, “mahalla yettiligi” bilan poytaxt aholisi uchun munosib sharoit yaratish, investitsiya olib kelib, yangi-yangi yuqori daromadli ish oʻrinlarini koʻpaytirish, shaharni yanada obod qilish, bir soʻz bilan aytganda, odamlar rozi boʻlishi uchun yangicha yondashuv asosida katta marralarni olib, qattiq ishlashi kerakligi koʻrsatib oʻtildi.
