Attraksionlar faoliyatini nazorat qiluvchi mobil ilova paydo bo‘ladi.
Fuqarolar “attraksionnazorati” elektron platforma (mobil ilova) orqali attraksionlardagi nosozliklar, xavfsizlik talablari buzilayotgani va boshqa huquqbuzarliklar to‘g‘risida xabar berishlari mumkin.
Vazirlar Mahkamasining 26 dekabrida qabul qilingan 886 sonli qaroriga muvofiq, bundan buyon O‘zbekistondagi barcha attraksionlarning Davlat reyestri tuziladi.
Belgilangan talablarni bajargan attraksionlar Davlat reyestriga kiritiladi va QR-kod beriladi. QR-kodlar attraksionga kirish joyida joylashtirilishi kerak. Mijozlar u orqali attraksion haqidagi barcha maʼlumotlarni bilib olishlari mumkin bo‘ladi.
