“Roma” joriy mavsumda ikki frontda kurash olib borishiga to‘g‘ri kelmoqda. Klaudio Ranyeri jamoani A Seriyada to‘qqizinchi o‘ringa ko‘tarishga muvaffaq bo‘ldi. “Bo‘rilar” yanada yuqori pozisiyalar uchun harakat qilmoqda.
Rim klubi mavsumni muvaffaqiyatli yakunlashi uchun Yevropa ligasida g‘olib chiqishi kifoya. Hozircha bunga imkon bor. “Roma” nufuzli xalqaro musobaqaning pley-off bosqichi o‘tish o‘yinida “Portu” bilan raqobatlashmoqda.
Portugaliyada bo‘lgan birinchi uchrashuvda kuchlar teng keldi – 1:1. Biz uchun e’tiborli jihati bungacha A Seriya va Italiya kubogi doirasidagi uchta bahsdan ikkitasida boshlang‘ich tarkibda o‘ynagan Eldor Shomurodov “Portu” bilan bo‘lga bellashuvdan umuman ko‘rinmadi.
