Senat Kengashining 17 dekabr qarori bilan “Tashabbusli budjet” jarayonlariga muhim o‘zgarishlar kiritildi. Iqtisodiyot va moliya vazirligi xabar berdi.
🔑 Asosiy yangiliklar:
✅ Minimal ovoz soni Eski: 10 ta Yangi: 50 ta (loyihani g‘olib qilish uchun)
✅ Jihozlash loyihalari uchun maksimal chegara Eski: 4 000 BHM Yangi: 2 000 BHM
✅ “Tanaffus” (keyingi mavsumda qatnashmaslik) endi qo‘llanilmaydi: • Mahallasi 15 va undan kam bo‘lgan tuman/shaharlardagi mahallalarga • “TOP-100” eng yaxshi soliq to‘lovchi mahallalarga • Sherikchilik asosida loyiha amalga oshirgan mahallalarga
Bunday mahallalar sherikchilik yo‘li bilan loyiha kiritish huquqiga ega bo‘ladi.
🔥 YANGI: Sherikchilik (50/50) moliyalashtirish (2026 yildan) Agar aholi loyiha qiymatining 50% ini o‘zi to‘plasa → loyiha avtomatik g‘olib bo‘ladi, qolgan 50% ni davlat to‘laydi!
📌 Qoidalar: • Bir mahallaga bir mavsumda faqat 1 ta sheriklik loyihasi • Budjet tashkilotlari uchun sheriklik taqiqlanadi • 50% to‘play olmagan sheriklik loyihalari oddiy ovoz berishga o‘tadi • Sherikchilik – mutlaqo ixtiyoriy
🗳️ Qo‘shimcha g‘olib aniqlash bosqichi Ovoz berish tugagandan keyin 10 kun ichida yangi 5-bosqich o‘tkaziladi.
G‘olib bo‘lmagan loyihalar quyidagi yo‘llar bilan qo‘llab-quvvatlanishi mumkin: • Tuman/shahar deputatlari – yetishmagan summaga tuman budjetidan qo‘shimcha ajratish orqali • Oliy Majlis Qonunchilik palatasi deputatlari – o‘z okrugidagi loyihalardan 1 tasini tanlash orqali
📜 Deputat tanlovi mezonlari: • Loyiha deputat saylangan okrugdagi hududda bo‘lishi kerak • Kamida 50 ta ovoz to‘plagan bo‘lishi kerak • Sherikchilik loyihasi bo‘lmasligi kerak • Bir mahalladan ketma-ket 2 mavsum loyiha tanlanmaydi • Deputat mavsumda huquqidan foydalanmasa, keyingi mavsum(lar)da bu huquqqa ega bo‘lmaydi
Bu o‘zgarishlar tizimni yanada adolatli va faol ishtirokni rag‘batlantiruvchi qilib qo‘ymoqda. Mahallangiz uchun loyiha taklif qilishni boshlash vaqti keldi! 🚀
