Namangan viloyatida dori vositalarining narxini asossiz ravishda oshirgan dorixonalar va ulgurji savdo korxonalariga nisbatan choralar ko‘rildi.
Raqobatni rivojlantirish va iste’molchilar huquqlarini himoya qilish qo‘mitasining hududiy boshqarmasi tomonidan o‘tkazilgan tekshiruvlar natijasida quyidagilar ma’lum bo‘ldi:
26 ta dorixona va ulgurji savdo tashkilotida noqonuniy daromad turi aniqlangsn. Belgilangan ustamalardan yuqori narx qo‘llash natijasida jami 497 million so‘mga yaqin ortiqcha mablag‘ olingan.
Amaldagi qonunchilikka ko‘ra, dori vositalari uchun qat’iy belgilangan ustama miqdorlari mavjud. Ushbu tartibni buzgan tadbirkorlik subyektlariga nisbatan belgilangan tartibda ish ochildi.
Iste’molchilardan olingan ortiqcha mablag‘larni qaytarish va kelgusida bunday holatlarga yo‘l qo‘ymaslik bo‘yicha majburiy ko‘rsatmalar berildi.
Eslatibo‘tamiz, O‘zbekiston qonunchiligiga ko‘ra, dori-darmonlar uchun ulgurji savdoda 15%, chakana savdoda esa 20% dan ortiq ustama qo‘llash taqiqlangan.
